“Bayer”in futbolçusu Kai Havertslə maraqlananların sayı artmaqdadır.
Avropanın nəhəng klublarının diqqət mərkəzində olan gənc yarımmüdafiəçiyə “Çelsi” də elçi düşüb. Britaniya mediasında yayılan xəbərlərdə London klubunun Haverts üçün 75 milyon funt-sterlinq ödəməyə hazır olduğu bildirilib. Bundan başqa futbolçuya ilinə 8 milyon funt maaş olmaqla 5 illik müqavilə təklif ediləcək.
Bu mövsüm Kai Haverts bundesliqada 26 oyuna 11 qol və 5 məhsuldar ötürmə ilə fərqlənib.